Масленіца ў Карэлічах

Супрацоўнікі Карэліцкай раённай бібліятэкі прынялі ўдзел ў раённым свяце “Ну, Блін, Масленіца”, якое прайшло ў г.п.Карэлічы. Да свята яны падрыхтавалі пляцоўку «Запрашаем на бліны», на якой прадставілі бліны з яблыкамі, маслам, тварагом, ласосем, вішнямі, кексік «Масленічны», мёд, смажанка і іншыя стравы. Вясёлыя цыганкі, у ролі якіх, выступілі бібліятэкары, прадказвалі лёс удзельнікам мерапрыемства. Ды і чаму б не паверыць тым, хто адгадвае чужыя мроі-мары і ўпэўнена сцвярджае, што яны абавязкова спраўдзяцца!