Выстава-дыялог “Сакрэты здаровага даўгалецця”
Быць здаровым… Маладыя пра гэта не часта думаюць. Як правіла маладосць і здароўе спадарожнічаюць адзін аднаму. Чым старэй становіцца чалавек, тым больш разумее, якое гэта блага – здароўе, тым больш пачынае яго цаніць. Як захаваць здароўе? Як утрымаць цудоўнае адчуванне сілы, энергіі жыцця?
У Варанчанскай сельскай бібліятэцы падрыхтавана выстава-дыялог “Сакрэты здаровага даўгалецця”, якая будзе дзейнічаць на працягу месяца. Яна арыентавана, у першую чаргу, на людзей сталага ўзросту і прадугледжвае зваротную сувязь. Наведвальнікі маюць магчымасць не толькі пазнаёміцца з тэматычнай інфармацыяй, але могуць аставіць сваё пісьмовае пытанне. Бібліятэкар падрыхтуе адказ у выглядзе спіса літаратуры і прыложыць яго да фармуляра чытача. Такім чынам, атрымаць адказ па свайму пытанню ён зможа ў любы зручны для яго час.
У няпростых на сённяшні дзень умовах, калі на суадносіны ўплываюць абмежаванні пандэмічнага характэру, такі завочны дыялог садзейнічае падтрымцы сувязі бібліятэкі са сваімі чытачамі.