У Карэлічах у Дзень роднай мовы напісалі дыктоўку паводле прозы Васіля Быкава
21 лютага, у Міжнародны дзень роднай мовы, у Карэліцкай цэнтральнай раённай бібліятэцы мясцовая грамадскасць сабралася, каб напісаць агульнанацыянальную дыктоўку. На такі своеасаблівы ўрок роднай мовы прыйшла як моладзь, так і старэйшае пакаленне карэліччан. Узброіўшыся шарыкавымі ручкамі і аркушамі паперы, удзельнікі акцыі пад дыктоўку члена Саюза пісьменнікаў Беларусі Святланы Кошур напісалі ўрывак з аповесці Васіля Быкава “Альпійская балада”.