Свята жонак-міраносіц у Райцаўскай СБ
У Райцаўскай сельскай бібліятэцы адбылося чарговае пасяджэнне аматарскага аб’яднання “Сяброўкі”, на якое запрошаны мясцовы святар царквы Святой Варвары ацец Аляксей са сваёй сям’ёй. Спачатку свяшчэннік пазнаёміў прысутных з выставай чудадзейных ікон, а затым расказаў пра свята жонак-міраносіц, якое заўжды прыпадае на 15-ы дзень пасля Вялікдня і прапанаваў паглядзець тэматычны відэафільм. У канцы сустрэчы святар павіншаваў жанчын са святам, пажадаў ім моцнага здароўя і дабрабыту.