Літаратурныя гонкі ў Малюшыцкай СБ
Усё часцей і часцей дзеці наведваюць Малюшыцкую СБ, каб пагартаць новыя кнігі, знайсці штосьці цікавае на старонках часопісаў, паўдзельнічаць у чарговым мерапрыемстве і займальна правесці час. Вось і на гэты раз бібліятэкар Малюшыцкай СБ прапанавала дзецям літаратурныя гонкі пад назвай “Мы з кнігай сябруем”. Спачатку ўдзельнікі наведалі “Крыніцу паэзіі”, потым праз “Праліў прыказак” трапілі ў “Мора энцыклапедыі”, абышлі “Возера фантастыкі і зрабілі прывал на “Востраве казак”, затым абагнуўшы “Раку прыгод” па “Мору часопісаў”, нарэшце дабраліся да “Славарнага вострава”. Канчатковай мэтай падарожжа стала “Вяршына ведаў”.